आज संत नामदेवमहाराजांची पुण्यतिथी. नांदेडमध्ये 'रिंगण'च्या (http://www.ringan.in/) वेबसाईटचं प्रकाशन झालंय. त्यानिमित्तानं 'रिंगण'साठी लिहिलेला हा लेख...
पहिली आठवण आहे.
गाभा-यातल्या समईच्या उजेडात विठुरायाचा सावळा चेहरा उजळून निघालाय. डोळे मिटून मोठ्या
प्रसन्न चित्तानं तो ऐकतोय, ‘उठा पांडुरंगा आता दर्शन द्या
सकळा..’, ‘उठा जागे व्हा रे आता...’ स्पष्ट, खणखणीत आवाज, सुंदर वारकरी चाल.
पांढराशुभ्र फेटा बांधलेले वडील नामदेवरायांचा काकडा म्हणतायत. पहाटेच्या शांततेत
आवर्तन घेत येणारे ते सूर हृदयात जिरतायत. मुरतायत. मी बहुदा आईच्या पोटात आहे…